Э.ЕСҮХЭЙ ОЮУНЫ ОЛИМПЫН ХҮРЭЛ МЕДАЛИЙН БОЛЗОЛ ХАНГАЛАА

АНЭУ-ын Дубай хотноо 4 жилд нэг удаа зохиогддог "Memoriad-2024" World Mental Olympics буюу “Оюуны олимп” нь 3 өдөр үргэлжлэх ба 35 орны 180 тамирчин ой тогтоолт, цээж бодолт болон хурдан уншлагын 12 төрлөөр өрсөлдөж байна.

Тэмцээний 8 дахь төрөл болох цээж бодолтын "Mental Calendar Dates" буюу 60 секундын хугацаанд дэлгэцэн дээр гарч ирэх он, сар, өдөр долоо хоногийн ямар гараг болохыг аль болох олныг алдаагүй тооцоолох зорилготой “Хүн хуанли” төрлийн дүн гарлаа.

Энэ төрөлд манай багийн тооны машинууд болох Э.Есүхэй, Э.Мөнхбаатар, Х.Анирлан нар оролцсоноос Э.Есүхэй 60 секундэд 83 өдрийг алдаагүй тооцоолж бодсоноор хүрэл медалийн болзол хангалаа.

Манай багийн бусад тамирчдын хувьд Э.Мөнхбаатар 53 өдөр (5-р байр), Х.Анирлан 49 өдөр (6-р байр) 60 секундын хугацаанд тус тус бодож амжилттай оролцлоо.

Хүн тооны машинууддаа баяр хүргэе!

Aмжилтын буухиа үргэлжилсээр..