О.ИРМҮҮН, ИХ МАСТЕР Н.МӨНХШҮР НАР ОЮУНЫ ОЛИМПЫН АВАРГА БОЛЛОО

Дөрвөн жилд нэг удаа зохион байгуулагддаг MEMORIAD World Mental Sports Olympics /Memory, Mental Calculation and Speed Reading/ буюу Оюуны олимп АНЭУ-ын Дубай хотод өчигдөр эхэлсэн.

Уг олимпод 35 улсын өсвөр, насанд хүрэгчдийн ангилалд 12 төрлөөр 180 тамирчин өрсөлдөж байна.

Монголчуудын хувьд олон улсын 70 дахь тэмцээн бөгөөд өнгөрсөн 15 жилийн хугацаанд манай баг тамирчид 140 цом, 1500 гаруй медаль хүртэж Гиннес, Дэлхийн олон дээд амжилтыг тогтоон эхэмшиж буй. Өчигдрийн байдлаар,

Оюуны олимпын эхний төрөл болох "Хурдны хөзөр" төрлийн дүн гарч бага /13 хүртэл нас/ болон насанд хүрэгчдийн /13-аас дээш нас/ ангилалд хоёр аваргатай боллоо.

НАСАНД ХҮРЭГЧДИЙН АНГИЛАЛ

Алтан медаль Н.Мөнхшүр 19.47 сек /ой тогтоолтын хоёр удаагийн Дэлхийн аварга, Олон Улсын Их Мастер, хөзөр төрөл/

Мөнгөн медаль Ц.Оюун-Эрдэнэ 20.62 сек

Хүрэл медаль Ц.Номин-Эрдэнэ 22.05 сек

БАГА НАСНЫ АНГИЛАЛ

Алтан медаль О.Ирмүүн 37.8 сек