НИЙСЛЭЛИЙН ИРЭХ ОНЫ ТӨСӨВТ ХҮНИЙ ХӨГЖИЛ, НИЙГМИЙН АСУУДЛЫГ ДУТМАГ ТУСГАСАН БАЙНА ГЭВ
НИТХ-ын Хүний хөгжлийн хорооны хуралдаанаар Нийслэлийн 2026 оны төсвийн төслийг хэлэлцэж, төлөөлөгчид төсөвтэй холбоотой асуулт асууж, санал хэллээ. Хуралдааны эхэнд НИТХ-ын төлөөлөгч, Хүний хөгжлийн хорооны дарга Ү.Оюунзул хэлэлцэх асуудлыг танилцууллаа. Ирэх онд 12 байршилд 50.4 км туслах гудамж зам 33.8 авто зам шинэчлэл, 2 байршилд гүүрэн гарц барихаар төлөвлөсөн бол боловсролын салбарт өмнөх жилүүдэд эхлүүлсэн 139 сургууль, цэцэрлэгийн барилга байгаагаас 44 нь нийслэлийн, 14 нь дүүргийн төсвийн хөрөнгөөр баригдаж байгаа бөгөөд эдгээр барилгуудаа үргэлжлүүлэхээр төсөвт шаардагдах зардлыг суулгажээ. Мөн нийслэлд шинээр сургууль, цэцэрлэгийн 10 барилгыг нэмж барихаар төлөвлөжээ. Үүнд ерөнхий боловсролын сургууль 6, цэцэрлэг 3, цогцолбор барилга 1 байгаа бол Азийн хөгжлийн банкны хөнгөлөлттэй зээлээр шинээр 18 барилгыг нэмж барихаар судалж байгаа аж...
