АНУ-ЫН ЭКС ЕРӨНХИЙЛӨГЧ ДОНАЛЬД ТРАМП УКРАЙНЫ ЕРӨНХИЙЛӨГЧ ВЛАДИМИР ЗЕЛЕНСКИЙГ КРЫМЫН ХОЙГИЙН АСУУДЛАД БУУЛТ ХИЙХЭЭР ШИЙДЭХ БОЛОМЖТОЙ ГЭЖ ҮЗЭЖ БАЙНА
АНУ-ЫН ЭКС ЕРӨНХИЙЛӨГЧ ДОНАЛЬД ТРАМП УКРАЙНЫ ЕРӨНХИЙЛӨГЧ ВЛАДИМИР ЗЕЛЕНСКИЙГ КРЫМЫН ХОЙГИЙН АСУУДЛАД БУУЛТ ХИЙХЭЭР ШИЙДЭХ БОЛОМЖТОЙ ГЭЖ ҮЗЭЖ БАЙНА
АНУ-ын экс ерөнхийлөгч Дональд Трамп Украины Ерөнхийлөгч Владимир Зеленскийг энхийн гэрээний хүрээнд Крымын хойгийг ОХУ-ын бүрэлдэхүүнд хүлээн зөвшөөрөх боломжтой хэмээн үзэж байна. Трамп энэ тухай Ватиканд Ромын Пап Францисыг оршуулах ёслолд оролцоод, эх орондоо буцаж ирэх үедээ сэтгүүлчдийн асуултанд хариулахдаа мэдэгдсэн байна. Тэрбээр Зеленскийтэй уулзах хугацаанд Крымын асуудлыг “маш богино хугацаанд” ярилцаж, түүний уулзалт “дажгүй сайн” болсон гэж тэмдэглэсэн.
Трамп, ОХУ-ын Ерөнхийлөгч Владимир Путиныг “цохилтоо зогсоож, гэрээнд гарын үсэг зурж” энхийн гэрээ байгуулахыг уриалж, энэ дайнаа зогсоох боломж ойрын хоёр долоо хоногийн дотор байж магадгүй гэж үзэж байна. Гэвч Украины тал газар нутгийн асуудал дээр удаа дараа татгалзсан байр суурьтай байсан ч, АНУ-ын төрийн тэргүүн энэ асуудлыг өөрийн байр суурьтайгаар тусган хэлж байгаа юм. Украины тал газар нутгийн асуудлыг зөвхөн гал зогсоох тохиролцоонд хүрсэний дараа хэлэлцэх шаардлагатай гэж үзсээр байгаа.
АНУ-ын зүгээс өнгөрсөн долоо хоногт энхийн гэрээ байгуулахын тулд Украинд Крымын хойгийг ОХУ-ын бүрэлдэхүүнд багтаах санал тавьсан талаар олон улсын хэвлэлүүд мэдээлжээ. Түүнчлэн Европ болон Украины зүгээс санал болгож буй гэрээг байгуулахын өмнө Украины эзлэгдсэн газар нутгийн тухай хэлэлцэх шаардлага тавигдаж байгаа юм.
Трамп болон АНУ-ын төрийн нарийн бичгийн дарга Марко Рубио энэ долоо хоногт яриа хэлэлцээний хувьд шийдвэрлэх мөч ирнэ хэмээн онцолжээ. Рубио АНУ Орос-Украины зөрчилдөөнийг зогсоож, энхийн гэрээ байгуулах асуудлаар цаашид зуучлах эсэхийг шийдвэрлэхэд чухал гэж үзэж байна. Тиймээс энэ долоо хоногт хийгдэх яриа хэлэлцээ нь энэ хямралын шийдлийг олох боломжтой гэж үзэж байгаа юм.
Украины Ерөнхийлөгч В.Зеленский ням гарагт нийгмийн сүлжээгээр дамжуулан Курск муж болон Белгородын бүс дэх Украины зэвсэгт хүчний байлдааны ажиллагаа үргэлжилж байгааг мэдээлсэн байна. Оросын тал 2022 оны хавар Украинд халдан довтолсноор Украины нийт газар нутгийн 20 орчим хувьд Москва хяналтаа тогтоосон билээ.
