ӨНӨӨДӨР ОЛОН УЛСЫН ЭРЧҮҮДИЙН ӨДӨР

Өнөөдөр Олон улсын эрэгтэйчүүдийн өдөр тохиож байна. Жил бүрийн арваннэгдүгээр сарын 19 эрчүүдийн соёл, улс төр, нийгэм, эдийн засгийн ололт амжилтыг үнэлж, тэмдэглэдэг дэлхийн баяр юм.

Хөвгүүд, эрчүүдийн эрхийг хамгаалах, насанд хүрээгүй хөвгүүдийн бэлгийн хүчирхийллийг таслан зогсоох, эрчүүдийн эрхийн төлөөх байгууллагуудыг нэмэгдүүлэх зорилготойгоор уг өдрийг анх 1992 оны хоёрдугаар сарын 8-нд АНУ-д тэмдэглэж эхэлжээ.

Харин 1999 оноос эхлэн НҮБ хүлээн зөвшөөрснөөр Олон улсын эрчүүдийн өдөр болгожээ.

Тодруулбал, олон улсын эрэгтэйчүүдийн өдрийг тэмдэглэх зорилгыг "Олон улсын эрчүүдийн эрхийг хамгаалах” гэж тодорхойлсон байдаг. Энэ нь эрэгтэйчүүд болон хөвгүүдийн ололт амжилт, амьдралд оролцож буй хувь нэмэр, ялангуяа улс орон, эв нэгдэл, нийгэм, хамт олон, гэр бүл, гэрлэлт, хүүхэд асрах зэрэгт оруулсан хувь нэмрийг нь тэмдэглэх баяр аж.

Монгол эрчүүдийн талаарх тоо баримтуудаас хүргэхэд,

1.   Эрчүүдийн 48.3 хувь нь хотод, 51.7 хувь нь хөдөө орон нутагт амьдарч байна

2.   Тэд дунджаар 67 насалдаг

3.   Тэдний биеийнх нь дундаж жин 65 кг

4.   Дундаж өндөр нь 168 см

5.   Эрчүүд дунджаар 26 насандаа гэрлэдэг

6.   Ердөө 15 хувь нь л дээд боловсрол эзэмшсэн гэж судлагдсан

7.   Нийт хүн амын 49 хувь нь эрчүүд

8.   Тэдний 659.7 мянга нь ажлын байртай

9.   46 хувь нь сонгуульдаа идэвхтэй оролцдог

10.                Нэг хувь нь өрх толгойлсон эцэг байна.