СОНГУУЛЬТАЙ ХОЛБООТОЙ ГЭМТ ХЭРГИЙН 8 ЗӨРЧИЛ ИЛЭРЖЭЭ

Цагдаагийн байгууллагад УИХ-ын 2024 оны сонгуультай холбоотой 23 гомдол мэдээлэл бүртгэгджээ. Үүний 15 нь гомдлын шинжтэй бол 8 нь гэмт хэргийн шинжтэй тул мөрдөн шалгах ажиллагаа явуулж байгаа аж. Энэ талаар өнөөдөр мэдээлсэн ч прокурорын байгууллагын зөвшөөрөлгүй дэлгэрэнгүй мэдээлэл өгөхгүй боломжгүй юм байна.

Одоогоор хууль бус сонгуулийн сурталчилгаа явуулж буй талаарх мэдээлэл цагдаагийн байгууллагад нийтлэг бүртгэгдэж, энэ тухай гомдол тасардаггүй болохыг мэдээлэв.

2024 оны УИХ-ын ээлжит сонгуулийн бэлтгэл ажлын хүрээнд цагдаагийн байгууллагаас шуурхай бүлэг байгуулан ажиллаж байна. Энэ хүрээнд иргэн, аж ахуйн нэгжээс сонгуулийн үйл ажиллагаатай холбоотой гомдол мэдээлэл хүлээн авч шалгаж ажиллаж байгаа юм байна.