ЗАЙСАНГИЙН ШИНЭЭР ХУЧСАН ЗАМЫГ БАРИЛГЫН ЗУУРМАГ ТЭЭВЭРЛЭЖ ЯВСАН МАШИН БОХИРДУУЛЖЭЭ
Зайсангийн дөрвөн замын уулзвараас “Буган халиун“ рестораны уулзвар хүртэлх авто замыг хааж, засварлах ажил өнгөрсөн ням гарагт дууссан. Дөрвөн замын уулзварыг нээсэн ч зарим зам засварын ажлууд үргэлжилж байгаа юм. Харин өнгөрсөн шөнө тус шинээр хучсан замыг барилгын зуурмаг тээвэрлэж явсан том автомашин зуурмаг асган бохирдуулжээ.
Тиймээс авто замын хөдөлгөөнд оролцож байгаа иргэд, жолооч та бүхэн замын хөдөлгөөнд соёлтой оролцож, зам талбайг бохирдуулахгүй байхыг уриалж байна.
