“ЯВУУЛЫН ОФФИС” МАРГААШ УЛИАСТАЙН АВТОБУСНЫ БУУДАЛД АЖИЛЛАНА

"Явуулын оффис" маргааш буюу энэ сарын 25-нд  Баянзүрх дүүрэг дэх Улиастайн автобусны буудалд 11:00-15:00 цагийн хооронд ажиллана.

Иргэн төвт төрийн үйлчилгээ, “Хуулиа дээдэлж-Хариуцлагаа ухамсарлая” аяны хүрээнд хэрэгжүүлж буй явуулын оффис үйлчилгээг нийслэлийн дүүргүүдэд зохион байгуулж, төрийн үйлчилгээг иргэдэд түргэн шуурхай, хүртээмжтэй хүргэн ажиллаж байна.

Өнөөдөр “Явуулын оффис” Баянгол дүүрэг дэх “Өргөө” кинотеатрын урд талбайд ажиллаж, нийт 153 иргэнд улсын бүртгэлийн үйлчилгээ, зөвлөгөө мэдээлэл хүргэлээ. Тухайн өдөр иргэдэд иргэн, эд хөрөнгө болон  хуулийн этгээдийн улсын бүртгэлийн чиглэлээр хэрэгцээтэй үйлчилгээг газар дээр нь үзүүлж, бүртгэлтэй холбоотой зөвлөгөө, мэдээллийг шуурхай хүргэсэн байна. Тодруулбал, 

Иргэний улсын бүртгэлийн чиглэлээр:
✅Тоон гарын үсэг – 9
✅Төрсний бүртгэл – 1
✅Иргэний үнэмлэх дахин олголт – 11
✅Биеийн давхцахгүй өгөгдлийн бүртгэл – 8
✅Нас барсны бүртгэл – 2
✅Гадаад паспортын бүртгэл – 8
✅Шилжилт хөдөлгөөний бүртгэл – 13
✅Иргэний улсын бүртгэлийн лавлагаа – 21
✅Зөвлөгөө, мэдээлэл – 41
 

Хуулийн этгээдийн улсын бүртгэлийн чиглэлээр:
✅Оноосон нэр баталгаажуулах – 1
✅Лавлагаа – 1
✅Зөвлөгөө, мэдээлэл – 19

Эд хөрөнгийн эрхийн улсын бүртгэлийн чиглэлээр:
✅Өргөдөл – 1
✅Барьцааны гэрээний бүртгэл – 2
✅Зөвлөгөө, мэдээлэл – 15 иргэнд тус тус үзүүлжээ.