СОГТУУГААР ТЭЭВРИЙН ХЭРЭГСЭЛ ЖОЛООДОЖ БАГА НАСНЫ ХОЁР ХҮҮХДИЙГ МӨРГӨЖЭЭ

Чингилтэй дүүргийн 8-р хороо Тасганы овооны хойд талын автомашины замд хоёр хүүхдийг мөргөж гэмтээсэн гэх мэдээлэл энэ сарын 12-ны өдөр цагдаагийн байгууллагад ирсэн байна.

Улмаар дуудлага мэдээллийн дагуу шалгахад иргэн Б нь согтууруулах ундаа хэрэглэсэн үедээ өөрийн эзэмшлийн ...улсын дугаартай автомашиныг жолоодож яваад явган зорчигч болох 9 болон 16 насны хоёр хүүхдийг мөргөж, гэмтэл учруулсан үйлдлийг Тээврийн цагдаагийн албаны мөрдөн шалгах хэлтэст шалгаж байна.

Тиймээс согтууруулах ундаа хэрэглэсэн үедээ тээврийн хэрэгсэл жолоодохгүй байх. Бусдын болон өөрийн аюулгүй байдлыг хангаж хариуцлагатай жолооч байхыг Цагдаагийн байгууллагаас сэрэмжлүүлж байна.