ШҮҮХЭЭР ЭЦЭСЛЭГДТЭЛ Б.ЭРДЭНЭСҮХИЙГ ЭГҮҮЛЭН ТАТАХ ХУУЛЬ БАЙХГҮЙ
НИТХ-ын төлөөлөгч Б.Эрдэнсүхийн хүчирхийллийн талаарх ноцтой мэдээллүүдийг хохирогч О.Нарангарав нийтэд ил мэдээллээд байна. Түүнийг ёс бус бэлгийн хүчирхийлэл, гэр бүлийн хүчирхийлэл, хадам ээждээ ч гар хүрсэн асуудлууд дэлгэгдсээр байна. Харин Б.Эрдэнэсүх “улс төр хийлээ” хэмээх хариултыг хэлж яваа.
Хууль хяналтын байгууллага эл хэрэг дээр хэрхэн ажиллаж байна вэ, түүнийг шалгаж байгаа юу?
Ямартай ч гэр бүлийн хүчирхийллийн хэргээр 2025.10.16-нд цагдан хорьсон. Улмаар 17-ны өдөр 30 хоногийн хугацаагаар цагдан хорих шийдвэр гарсан. Арваннэгдүгээр сарын 17-нд суллагдах байсан ч гомдол гаргаж, Ерөнхий шүүгч гомдлыг хүлээн авснаар түүнийг 2025.10.30-нд сулласан. Тус шийдвэрийг Дүүргийн Эрүү, Иргэний хялбар ажиллагааны анхан шатны тойргийн шүүхийн Ерөнхий шүүгч Б.Халиун гаргасан байдаг. Ихгэхдээ Монгол Улсын хилээр гарахыг хязгаарлах, тодорхой хүнтэй уулзах, харилцах, харилцаа холбоо тогтоохыг хориглох хязгаарлалт тогтоох таслан сэргийлэх арга хэмжээ авсан төдий .
НИТХ-ын ээлжит болон ээлжит Нэн түрүүнд НИТХ-аас нэн яаралтай эгүүлэн татах асуудлыг өдгөө нийгмээрээ хөндөж байна. Иймд, эрүүгийн хэрэгт яллагдагчаар татагдан шалгагдаж буй төлөөлөгчийг эгүүлэн татах хууль, эрхзүй ямар байдаг талаар хүргэе.
Нийслэлийн иргэдийн төлөөлөгчдийн хурлын төлөөлөгчийн Ёс зүйн дүрэм нээлттэй эх сурвалжид алга. Харин "Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль"-ийн 41 дүгээр зүйл буюу Иргэдийн Төлөөлөгчдийн Хурлын төлөөлөгчийн бүрэн эрх дуусгавар болох заалтуудад,
- 41.1.Иргэдийн Төлөөлөгчдийн Хурлын төлөөлөгчийн бүрэн эрх дараах үндэслэлээр хугацаанаас өмнө дуусгавар болно:
- 41.1.1.нас барсан;
- 41.1.2.хүндэтгэн үзэх бусад шалтгаанаар чөлөөлөгдөх хүсэлтээ өөрөө гаргасан;
- 41.1.3.гэмт хэрэг үйлдсэн болох нь шүүхийн хүчин төгөлдөр шийтгэх тогтоолоор батлагдсан;
- 41.1.4.тухайн орон нутгаас шилжсэн;
- 41.1.5.энэ хуульд өөрөөр заагаагүй бол төрийн жинхэнэ албан тушаалд томилогдсон;
- 41.1.6.энэ хуулийн 40.1-д заасныг зөрчсөн;
- 41.1.7.Хурлын төлөөлөгчийн ёс зүйн дүрмийг удаа дараа, эсхүл ноцтой зөрчсөн;
- 41.1.8.Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуульд заасан үндэслэлээр төлөөлөгчөөр сонгогдсонд тооцсон тухай шийдвэр хүчингүй болсон.
- 41.2.Хурлын төлөөлөгчийг энэ хуулийн 41.1.2, 41.1.4, 41.1.5-д заасан тохиолдолд чөлөөлөх, 41.1.3, 41.1.6, 41.1.7-д заасан тохиолдолд огцруулах тухай асуудлыг иргэдийн Төлөөлөгчдийн Хурлаар хэлэлцэж шийдвэрлэнэ.
/Энэ хэсгийн “... 41.1.3, ...” гэснийг Үндсэн хуулийн цэцийн 2023 оны 06 дугаар сарын 09-ний өдрийн 2 дугаар тогтоолоор хүчингүй болгосон./ гэж заасан байдаг.
Хууль эрзүйн орчим ийм. Өөрөөр хэлбэл шүүхээр хэрэг нь эцэслэгдтэл эгүүлэн татах боломж байхгүй. Эхнэр нь НИТХ-д гомдол гаргасан байсан тул зун долоодугаар сараас хойш НИТХ-ын ээлжит болон ээлжит бус хуралдаан бусад үйл ажиллагаанд оролцохгүй байгаа аж. Түүнийг сонгосон олон мянган сонгогчийн эрх хангагдахгүй байгаа гэсэн үг юм.
