ХАР УС НУУРАНД МАШИН ЦӨМӨРЧЭЭ
Ховд аймгийн Мянгад сумын Цагаанбулаг багийн нутагт орших Хар-Ус нууранд 3 зорчигчтой суудлын машин энэ сарын 23-нд цөмөрчээ. Ховд аймгийн төвөөс Мянгад сумын Цагаанбулаг багийн Хар нуурын Ногоонхошуу гэдэг газрын чиглэлд зорчиж явсан машинтай хүмүүс Хар-Ус нуурын мөсөн дээгүүр гарч явахад нь мөс цөмөрсөн аж. Тэд харанхуйд замаа алдан, нууран дээгүүр явж байгаагаа мэдээгүй гэнэ
Уг машинаас хүмүүс нь эсэн мэнд гарч, 18:21 цагийн үед аймгийнхаа Онцгой байдлын газарт дуудлага өгсөн байна. Эрэн хайх, аврах ангийг очиход, иргэн Г-ийн “Toyota Тown Ace” загварын суудлын машин нуурын эргээс 800 метрийн зайд мөсөнд цөмөрч орсон байжээ. Түүнийг аврагчид татан гаргасан байна
