ӨНӨӨДӨР ИХЭНХ НУТГААР ЭРС ХҮЙТЭРЧ, ХАЛТИРГАА ГУЛГАА, МӨСТӨЛТ ҮҮСЭЖ БОЛЗОШГҮЙ БАЙНА
Өнгөрсөн хоногт /2024.04.13-14/баруун аймгуудын зүүн хэсэг, төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн зарим газраар бороо, нойтон цас, цас орсон.
Өнөөдөр буюу дөрөвдүгээр сарын 14-нд нутгийн зүүн хойд хэсгээр ахиухан хэмжээний нойтон цас орж, цасан шуурга шуурч, ихэнх нутгаар эрс хүйтрэх тул зам, даваанд халтиргаа гулгаа, мөстөлт үүсэж болзошгүйг онцгойлон анхааруулж байна.
Иймд иргэд, малчид, тээвэрчид та бүхэн хол, ойрын замд гарахдаа цаг агаарын мэдээллээ тогтмол хүлээн авч, болзошгүй эрсдэлээс урьдчилан сэргийлээрэй.
