ШИНЭ СУДАЛГАА АУТИЗМЫН БИОЛОГИЙН ШАЛТГААНЫГ ИЛРҮҮЛСЭН БАЙЖ БОЛЗОШГҮЙ
Японы Фукуи их сургуулийн эрдэмтэд аутизмын спектрийн эмгэг (ASD)-ийн цаад биологийн хүчин зүйлийг илрүүлсэн байж магадгүй гэв.
Тэд шинжилгээндээ ураг төрөх үед авсан ихэсийн судасны цусны дээжийг ашигласан бөгөөд тэнд агуулагдах dihydroxyeicosatrienoic acids (diHETrE) хэмээх өөх тосны хүчил болон хүүхдийн цаашдын нийгмийн болон зан төлвийн хөгжил хоёрын хооронд тодорхой хамаарал байгааг тогтоожээ.
Судалгаагаар:
• diHETrE-ийн өндөр түвшин — нийгмийн харилцааны хүндрэлтэй холбоотой,
• Бага түвшин — давтагддаг, нэгэн хэвийн зан авиртай холбоотой байжээ.
Энэ нь аутизмын биомаркерыг (биологийн үзүүлэлт) тодорхойлох чиглэлд түүхэн дэвшил болох боломжтой юм.
Уг нээлт нь:
• Аутизмыг эрт үед оношлох
• Илүү чиглэсэн, эрт оролцоот дэмжлэг үзүүлэх боломжийг нээж байна.
Цаашид төрсний дараах шинжилгээнд diHETrE түвшинг шалгаснаар тухайн хүүхэд аутизм хөгжүүлэх эрсдэлийг урьдчилан мэдэх боломж үүсч магадгүй юм.
Мөн энэ судалгаа нь жирэмсний үеийн ирээдүйн урьдчилан сэргийлэх арга хэмжээнүүд ямар байж болох тухай шинэ судалгааны чиглэл нээж байгаа хэдий ч нэмэлт судалгаа шаардлагатай хэвээр байна.
Хамгийн онцлох зүйл нь: энэ нь амьтны туршилтаас бодит хүний цусны шинжилгээ рүү шилжсэн анхны томоохон судалгаа болж, аутизмын шинжлэх ухаанд шинэ шатны ойлголт авчирч байна.
Дэлгэрэнгүй унших:
Фукуи их сургуулийн судалгаа – Autism & diHETrE
Б.ТУЯА
