ЛХАГВА ГАРАГТ БҮХ НИЙТЭЭР АМАРНА
Энэ сард монголчууд хоёр удаа бүх нийтээр амарч буйн нэг нь энэ лхагва гарагт тохиож байна. Тодруулбал, Монгол Улс Анхдугаар Үндсэн хуулиа баталж, Бүгд найрамдах Монгол Улсыг тунхагласны 101 жилийн ой тохиож буй.
Сануулахад, 1924 оны арваннэгдүгээр сарын 26-ны өдөр Монгол Улс анхдугаар Үндсэн хуулиа баталж, Хаант засгаас Бүгд найрамдах засаглалд шилжиж, хамжлагат ёсыг халан, үндэсний ардчилсан өөрчлөлт, эрх зүйн чухал зарчмууд, улс төрийн цоо шинэ тогтолцоог хуульчлан баталгаажуулсан нь Монголын түүхэнд тодоор тэмдэглэгдэн үлджээ.
Энэ өдрийг тохиолдуулан жил бүрийн арваннэгдүгээр сарын 26-нд бүх нийтээр амарч ирсэн юм.
