ХУУЛЬ БУС ГҮЙЦЭТГЭХ АЖИЛЛАГАА, ТОМИЛГОО ХИЙСЭН ГЭХ АСУУДАЛД ХОЛБОГДООД БУЙ С.АМАРСАЙХАН САЙД МЭДЭЭЛЭЛ ХИЙНЭ

Сошиал орчинд удган гэдгээрээ танигдсан Б.Булнай нь ХЗДХ-ийн сайд С.Амарсайханы захиалгаар хууль бус гүйцэтгэх ажиллагаа явуулж, дарамт шахалт үзүүлсэн гэх мэдээлэл, бичлэгийг олон нийтэд дэлгэсэн юм. Үүнтэй холбоотойгоор ХЗДХ-ийн сайд С.Амарсайхан хөдөө орон нутагт ажилтай яваа тул эргэж очоод олон нийтэд нээлттэй мэдээлэл хийж тайлбар өгнө гэсэн билээ.

Тэгвэл тэрбээр өнөөдөр ээлжит чуулганы нээлтэд ирсэн ба дөнгөж сая МАН-ын бүлгийн хуралдаанд оржээ. Ингэхдээ бүлгийн хуралдааны дараагаар мэдээлэл хийнэ гэдгээ хэвлэлд хэлжээ.

Дашрамд дурдахад, өчигдөр ШШГЕГ-ын удирдлагууд мэдээлэл хийж, түүнийг хууль бус үүрэг даалгавар, томилгоо хийдэг гэх мэдэгдлийг хийгээд буй юм.