ХОЙД СОЛОНГОС БОГИНО ТУСГАЛЫН БАЛЛИСТИК ПУУЖИН ХАРВАЖЭЭ

2025 оны 5-р сарын 8-ны өглөө, Хойд Солонгосын Вонсан хотын ойролцоогоос хэд хэдэн богино тусгалын баллистик пуужин зүүн тэнгис рүү харвасан талаар Өмнөд Солонгосын Зэвсэгт хүчний жанжин штаб мэдээллээ. Эдгээр пуужингууд хамгийн хол нь ойролцоогоор 800 км хөөрч, далайд унасан байна. Өмнөд Солонгосын цэргийн төлөөлөгчид энэ харвалтыг Хойд Солонгосын зэвсгийн экспортын зориулалттай пуужингийн гүйцэтгэл, нислэгийн тогтвортой байдлыг шалгах туршилт байж болзошгүй гэж үзэж байна. Тус пуужингууд нь Оросын "Искандер" пуужингийн системийг дуурайлгасан байж болзошгүй бөгөөд тээврийн хэрэгслээс хөөргөсөн байж магадгүй гэж мэдээлжээ. Япон улсын Батлан хамгаалах яам мөн Хойд Солонгосын пуужингийн харвалтыг илрүүлсэн бөгөөд эдгээр нь Японы эдийн засгийн онцгой бүсэд нэвтрээгүй, хохирол учруулаагүй гэж мэдэгджээ.