БАЯЛГИЙН САНГИЙН ТУХАЙ ХУУЛИЙГ ДАГАЖ ӨӨРЧЛӨГДСӨН ХУУЛИУД “LEGALINFO”-Д БАЙРШИЖ ЭХЭЛЖЭЭ

Засгийн газраас өргөн барьсан Үндэсний баялгийн сангийн тухай хуулийг УИХ-аар хэлэлцэж баталсан билээ. Тэгвэл уг хуулийн төслийг дагаж өөрчлөгдсөн хуулиуд "Legalinfo.mn" эрх зүйн мэдээллийн нэгдсэн системд байршиж эхэлжээ. Тухайлбал, Хөрөнгө оруулагч байгуулагуудын хийгээд байгаа ташаа ойлголтыг залруулах гол хуулийн өөрчлөлт нь Ашигт малтмалын тухай хуулийн 5.7, 5.8 дахь заалтууд юм. Тодруулбал,

"Стратегийн ач холбогдол бүхий ашигт малтмалын ордын тусгай зөвшөөрөл эзэмшигч хуулийн этгээдийн нийт гаргасан хувьцааны 34-өөс дээш хувийг аливаа этгээд дангаар болон нэгдмэл сонирхолтой этгээдтэй хамтран эзэмшихийг хориглоно" гэж заасан боловч энэ нь "...Монгол Улсын Засгийн газартай Хөрөнгө оруулалтын гэрээ байгуулсан хуулийн этгээдийн хувьцаанд хамаарахгүй" гэж заасан нь хөрөнгө оруулагчдын эрх ашгийг хөндөхгүй гэсэн үг юм.

Жишээлбэл, Монгол Улсын Засгийн газартай "Оюу Толгой" төсөлд 66 хувийг эзэмших гэрээ байгуулсан хөрөнгө оруулагчдад хамаарахгүй заалт юм.

Дэлгэрэнгүйг ЭНД дарж уншина уу.