АНУ-ЫН ЕРӨНХИЙЛӨГЧ ДОНАЛЬД ТРАМП БОЛОН ОХУ-ЫН ЕРӨНХИЙЛӨГЧ ВЛАДИМИР ПУТИН НАРЫН ХОЁР ЦАГ ГАРУЙ ҮРГЭЛЖИЛСЭН УТАСНЫ ЯРИАНЫ ДАРАА ХОЁР ТАЛ УКРАИН ДАХЬ ДАЙНЫГ ЗОГСООХ ХЭЛЭЛЦЭЭР ЭХЛҮҮЛЭХЭД БЭЛЭН ГЭДГЭЭ ИЛЭРХИЙЛСЭН БАЙНА

Трамп "маш сайн яриа болсон" гэж тодорхойлсон бол Путин Украины нутаг дэвсгэрийн бүрэн бүтэн байдлыг сэргээх, НАТО-д элсэх хүсэлтийг хүлээн зөвшөөрөх боломжгүй гэдгээ дахин нотолжээ 

Трамп хэлэлцээрийг Ватиканд зохион байгуулах саналтай байгаа бол Путин зөвхөн тодорхой нөхцөлүүдийг хангасны дараа бүрэн хэмжээний зогсолт хийх боломжтой гэж үзэж байна. Түүний саналд Украины НАТО-д элсэх хүсэлтийг хүлээн зөвшөөрөхгүй байх, Донбассын бүсээс цэргүүдээ гаргах, Орос хэлний боловсролыг сэргээх, барууны хориг арга хэмжээг цуцлах зэрэг шаардлагууд багтжээ 

Украины Ерөнхийлөгч Владимир Зеленский энэхүү хэлэлцээрт оролцохоос татгалзахгүй байгаа ч, Оросын тавьж буй нөхцөлүүдийг хүлээн зөвшөөрөхгүй гэдгээ илэрхийлсэн байна. Тэрбээр дэлхийн хамтын нийгэмлэгээс Оросын дарамтад орсон Украинд дэмжлэг үзүүлэхийг уриалж, шинэ хориг арга хэмжээ авах шаардлагатай гэж үзэж байна 

Европын холбооны удирдагчид ч энэ хэлэлцээрийн талаар анхааралтай хандаж, Украинтай зөвшилцөлгүйгээр ямар нэгэн тохиролцоонд хүрэхийг эсэргүүцэж байна. Тэдний үзэж байгаагаар, ийм тохиролцоо нь Оросын талд ашигтай, Украины эрх ашгийг зөрчсөн "бохир хэлэлцээр" болох магадлалтай гэжээ 

Трампын энэхүү дипломат алхам нь АНУ-ын Оросын талаарх бодлогыг эрс өөрчилж, Украины бүрэн бүтэн байдлыг хүлээн зөвшөөрөхгүй гэдгээ илэрхийлсэн нь олон улсын хамтын нийгэмлэгийн дунд эргэлзээ төрүүлж байна