14 НАСТАЙ ОХИНЫ ЧАТ РУУ БЭЛЭГ ЭРХТНИЙХЭЭ ЗУРГИЙГ ЯВУУЛЖ, НҮЦГЭН ЗУРАГ БИЧЛЭГЭЭ ЯВУУЛАХЫГ ШААРДСАН ЭТГЭЭДИЙГ ШАЛГАЖ БАЙНА

14 настай охины чат руу бэлэг эрхтнийхээ зургийг явуулж, нүцгэн зураг бичлэгээ явуулахыг шаарджээ. Тодруулбал, нэр бүхий иргэн 2023 оны 12 дугаар сард насанд хүрээгүй буюу 14 настай А.А-гийн фейсбүүк цахим хаяг руу зурвас бичиж харилцаж, улмаар өөрийн бэлэг эрхтний зургийг үзүүлж, нүцгэн зураг бичлэгээ явуулахыг шаардсан, бэлгийн харьцаанд орохыг санал болгож, хүүхдэд садар самууныг сурталчилж, уруу татсан гэх хэрэг гарчээ. Тус хэрэгт иргэн С.Д-г энэ оны долоодугаар сарын 22-ны өдөр Монгол Улсын Эрүүгийн хуулийн тусгай ангийн 16.8 дугаар зүйлийн 1, 12.5 дугаар зүйлийн 1 дэх хэсэгт зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулжээ. Улмаар энэ оны долоодугаар сарын 29-ний өдөр хэргийг нэгтгэх саналтай Баянзүрх дүүргийн прокурорын газарт хүргүүлсэн байна.